welcome to خيرات كروم عجلون

من نحن؟

((عجلون))

جمال طبيعتها وجريان ينابيعها وعلو جبالها وخُضرة أشجارها وطيبة وكرم ونخوة وشهامة أهلها.. كان مصدر إلهام إلنا..

إبداعنا من وحي جنتنا عجلون، بلاد الخيرات والنِعم، وحتَّى لو سكنَّا خارج حدودها بتظل هي أرض الجدود..
و وفائنا إلها ما إله حدود..

ومن خوفنا على سمعة أرضنا وعرضنا، من خوفنا على خيراتنا ومنتاجاتنا ومن حرصنا على تسويقها لكل واحد بيقدر قيمتها وتعب وعرق أصحابها وما بيستغل مزارعينا الي لونت شمسها جباههم ورسمت عليها تاج عز وفخر، من كل هاض إجت فكرتنا..
فكرة (كروم عجلون).
بلورناها لتسويق منتجاتنا بإيدينا.. إيدين الأحفاد الحريصين على تعب الآباء والأجداد، وبنوصل الثمرة الطيبة للمستهلك الطيب الي من حقه يحصل على سلعة مضمونه بسعر مناسب ومضمون بعيد عن التبخيس أو الجشع والطمع